This page was exported from Clube de Montaña Xistra [ https://xistra.org ] Export date:Wed May 15 7:00:38 2024 / +0000 GMT ___________________________________________________ Title: Abertas as inscricións para a IX Andaina Terras de Altamira - Concello de Brión --------------------------------------------------- Andaina Terras de Altamira 2024 Xa temos abertas as inscricións para a IX Andaina Terras de Altamira - Concello de Brión O Concello de Brión e a Asociación O Esquío No Piñeiro, en colaboración coa Federación Galega de Montañismo, a Federación Española de Deportes de Montaña y Escalada e a Secretaría Xeral para o Deporte da Xunta de Galicia, organizan a IX edición da ANDAINA TERRAS DE ALTAMIRA – CONCELLO DE BRIÓN o vindeiro sábado 11 de Maio de 2024 a partir das 9:00h. nas inmediacións da Carballeira de Santa Minia (Brión). Esta andaina é unha proba oficial da Federación Galega de Montañismo e está integrada dentro da Liga Galega de Sendeirismo e da Liga Ibérica de Sendeirismo da Federación Española de Deportes de Montaña y Escalada que se desenvolverán ao longo do ano 2024. O prazo de inscrición para a ruta estará aberto até o 7 de maio e é posible inscribirse para as distancias de 16, 36 ou 50 quilómetros. Os maiores de 14 anos poderán anotarse por 15 euros até o 31 de marzo, até o 21 de abril por 18 euros e do 22 de abril ao 7de maio por 16 euros e sen opción aos agasallos incluídos na bolsa do senderista. Para menores de 14 anos a inscrición é de 8 euros, aínda que máis aló do 21 de abril tampouco inclúe a bolsa. Os participantes contarán con avituallamientos con auga, bebidas isotónicas, refrescos, froitas, empanada, bocadillos e barritas enerxéticas, así como con servizos de médico, ambulancia, seguro de accidentes, duchas, piscina cuberta, recollida en caso de accidente ou lesión e aparcadoiro. As persoas finalistas recibirán diploma e medalla segundo a distancia realizada. https://inscripciones.galitiming.com/inscripcion/ix-andaina-terras-de-altamira-brion-2024/ --------------------------------------------------- Images: https://inscripciones.galitiming.com/fileserver.php?name=/images/eventos/rol/6943_evento_22656_cartel.jpg&type=public&v=1709240443 --------------------------------------------------- --------------------------------------------------- Post date: 2024-03-23 13:47:42 Post date GMT: 2024-03-23 11:47:42 Post modified date: 2024-03-23 13:47:42 Post modified date GMT: 2024-03-23 11:47:42 ____________________________________________________________________________________________ Export of Post and Page as text file has been powered by [ Universal Post Manager ] plugin from www.gconverters.com