Podedes ver as actividades que temos abertas para inscribirvos no seguinte enlace:
Contra a violencia machista
Redes sociais
Síguenos en
Síguenos en Telegram 
Inscricións abertas Xistra e outros produtos.
Publicado en Actividades
Comentarios desactivados en Inscricións abertas Xistra e outros produtos.
Día do Sendeirista FGM 2024 – Aberta inscrición – 13/10/2024
Día do Sendeirista 2024 – 13/10/2024
Org. Vogalía de Andainas e Sendeirismo da FGM + CMVMC Moscoso.
PR-G 164 Senda da Fraga do Barragán.
Datos de interese:
• Número máximo de participantes: 150 persoas federadas.
• Peche de inscricións: día 07/10/2024 á 23:50 horas
• Enlace para a inscrición: https://fgm.playoffinformatica.com/InscripcioWeb.php?idLliga=178
• Prezo de inscrición por persoa: 6 €
• Subvención xeral por desprazamento (posterior á realización da actividade),
entre 5 € e 15 € por persoa, en función do número de asistentes final (deben
indicar un número de conta bancaria). Non haberá autobús. Pregamos que por
redución de emisións contaminantes e por economía compartan vehículos
para o desprazamento.
• Presentación e saída de Moscoso (Pazos de Borbén) ás 9:15 am
• Percorrido sinalizado PR-G 164 – Tempo aproximado 5 horas.
• Avituallamentos líquidos. Obrigatorio levar vaso ou recipiente para bebidas.
• Pinchos en Moscoso no remate da actividade.
Publicado en Actividades, FGM, Rincón do Socio
Comentarios desactivados en Día do Sendeirista FGM 2024 – Aberta inscrición – 13/10/2024
Anuncio de novas actividades: Día do Sendeirista e Marcha de Veteranos.
Día do Sendeirista FGM e
Marcha de Veteranos FGM 2024
Informámosvos que a Federación Galega de Montañismo xa ten datas para estas dúas entrañables actividades clásicas nas que desexamos participar.
13/10/2024 Org. Vogalía de Andainas e Sendeirismo da FGM + CMVMC Moscoso.
Día do Sendeirista da FGM 2024
PR-G 164 Senda da Fraga do Barragán.
Turismo.gal – PR-G 164 SENDA DA FRAGA DO BARRAGÁN
17/11/2024 Org. C.M. Ribeira Sacra, Concello de Parada de Sil e FGM
Marcha Galega de Montañeiros Veteranos FGM 2024
PR-G 98 Ruta do Canón do Sil – Santa Cristina
Turismo.gal – PR-G 98 CANÓN DO SIL – SANTA CRISTINA
En breve comunicaremos más datos de cada proba, prezos, prazos e forma de inscrición. Íde facendo oco no voso calendario.
Publicado en Actividades, FGM, Rincón do Socio
Comentarios desactivados en Anuncio de novas actividades: Día do Sendeirista e Marcha de Veteranos.
Desaparece a Andaina de Pereiro de Aguiar 25km
Comunican os organizadores da proba que este ano 2024 non van realizar a andaina de 25km en Pereiro de Aguiar.
Lamentamos o feito, pero debemos comunicárvolo para evitar despistes e erros que logo crean máis problemas.
Vémosnos noutras probas do calendario de Andainas de 2024.
Publicado en Andainas25, FGM, Rincón do Socio
Comentarios desactivados en Desaparece a Andaina de Pereiro de Aguiar 25km
Andaina do Barbanza – Concello de Rianxo – 29/09/2024
Andaina do Barbanza – Concello de Rianxo – 29/09/2024
O Concello de Rianxo organiza a VI ANDAINA DO BARBANZA “CONCELLO DE RIANXO”, o domingo 29 de de setembro de 2024.
A proba forma parte da Liga Galega de Sendeirismo da Federación Galega de Montañismo.
Tamén se poderá disputar unha andaina menor (16Km) non putuable.
Podedes facer a inscrición neste enlace: https://eventos.emesports.es/inscripcion/vi-andaina-do-barbanza-concello-de-rianxo-1/inscripcion_datos/
Publicado en Andainas25, FGM, Rincón do Socio
Comentarios desactivados en Andaina do Barbanza – Concello de Rianxo – 29/09/2024
Boa asistencia na Andaina de Ribeira 50 km – 07/09/2024
Boa participación de socios de Xistra entre os 300 asistentes a esta entrañable andaina de 50 km que retoma a tempada 2024 logo do parón veraniego.
Un quecemento de pernas que a algúns costoulles de máis na subida ó miradoiro da Ra.
Un bo día e unha boa compañía. Agora a repetir nas próximas andainas de 25 km que quedan de aquí a fin de ano.
Publicado en Andainas50, FGM, Rincón do Socio
Comentarios desactivados en Boa asistencia na Andaina de Ribeira 50 km – 07/09/2024
Marcha nocturna de adestramento en 25 km 15-16/06/2024
Marcha nocturna de adestramento en 25 km
Continuando coa preparación da marcha dos 100 km, propoñémosvos unha marcha singular: 25km entre Zamáns, Aloia, Arruídos e retorno a Zamáns, con tramos nocturnos.
A saída prevista sería de día, ás 19:00 horas do sábado 15 dende o parque forestal de Zamáns (390 m), para subir ata o Coto Mediodía (654 m) (ascensión opcional), seguir o sendeiro en dirección ó monte Aloia (633 m). Aquí faremos unha parada no cumio para ver anoitecer e cear (hai que levar os propios víveres e bebidas pois non garantimos que o bar estea aberto).
Esta noite será de lúa crecente, e deberemos deberemos levar frontais e luces de emerxencia para cando transitemos por estradas.
O retorno será nocturno e con ascensión ata o monte Arruídos (709 m), onde chegaremos despois das 24:00, polo que será unha ascensión no domingo 16 ás primeiras horas. Despois retomaremos o camiño en dirección a Zamáns pola ruta máis longa pero con menos riscos.
A actividade será confirmada en función da climatoloxía con 2/3 días de antelación.
Obrigatorio inscribirse antes do día 13/06/2024
https://xistra.playoffinformatica.com/actividad/83/Marcha-nocturna-de-adestramento-en-25-km-15-16062024/
Publicado en Andainas25, Rincón do Socio
Etiquetado #andainas, #Marcha, #Nocturna, 25km
Comentarios desactivados en Marcha nocturna de adestramento en 25 km 15-16/06/2024
Marcha 60km de adestramento – (Vigo – Vía Verde – Amoedo – Senda da Auga – Vigo) – 01/06/2024
Marcha 60km de adestramento
(Vigo – Vía Verde – Amoedo – Senda da Auga – Vigo)
01/06/2024
Continuando coa preparación da marcha dos 100 km, propoñémosvos unha marcha singular: 60km entre Vigo – Vía Verde – Trasmañó – Negros – O Galleiro – Alto da Serra – Amoedo – Senda da Auga – Vigo.
A saída prevista sería do Castro de Vigo, ás 08:00 horas a.m.
Os primeiros 30 km serán guiados ata Amoedo… a partir de chegarmos á Senda da Auga (facilmente transitable e marcada) cada participante poderá facer os últimos 30 km ó seu propio ritmo, ata volver a Vigo e finalizar no Castro.
A proba de adestramento será en total autosuficiencia.
No percorrido hai algunhas fontes, pero non podemos garantir que haxa cafeterías ou bares abertos.
Obrigatorio inscribirse antes do día 30/05/2024
https://xistra.playoffinformatica.com/actividad/82/2024-Marcha-60km-de-adestramento-Vigo-Via-Verde-Amoedo-Senda-da-Auga-Vigo-01-06-2024/
Publicado en Actividades, Rincón do Socio
Etiquetado #60km, #Adestramento, #andainas, #Marcha, #Vigo
Comentarios desactivados en Marcha 60km de adestramento – (Vigo – Vía Verde – Amoedo – Senda da Auga – Vigo) – 01/06/2024
Foise o primeiro Presidente de Xistra.
No día de onte (5/5/2024) démoslle a nosa sentida despedida ó primeiro presidente do noso club, D. Jorge Rúa Ojea.
Fundador da entidade e socio número 1, a pesares de levar moitos anos desligado da nosa asociación, a súa alma atópase dende un principio con nós xa que colaborou nos primeiros anos do club e foi o pai do nóme da nosa entidade: «Xistra».
O noso agarimo para a súa familia e para todos os que o coñecían.
Descanse en paz.
Publicado en Rincón do Socio
Etiquetado #SociosXistra
Comentarios desactivados en Foise o primeiro Presidente de Xistra.
Camiñada de Entrimo 50km 2024
Hoxe 27/04/2024 ten lugar o incrible Ogro das probas de 50 km en Galicia… a superproba da Camiñada de Entrimo.
Quizais non hai proba tan dura e esixente como a de Entrimo. Pola súa altitude e pola súa cambiante e dura climatoloxía.
Por iso, ano tras ano, un reducido grupo de irreductibles galegos aínda segue resistindo e acodindo a unha fermosa aldea poboada por magníficos veciños no oeste ourensán.
Terrachán fai de base para esta desexada e temida proba. Unha pena para o que escribe esta nova… que tiña que estar alí, en Entrimo, e que tivo que quedar en casa convaleciente…
Moita sorte, forza e resiliencia para os socios de Xistra que atacan, a maior parte con éxito, esta fermosa proba.
Publicado en Actividades, FGM, Rincón do Socio
Etiquetado #50km, #Entrimo, Andainas de 50 km
Comentarios desactivados en Camiñada de Entrimo 50km 2024
101 Peregrinos 2024
Hoxe 27/04/2024 ás 8:00 da mañá comezou unha das probas de maior renome na Galaecia romana: os 101 Peregrinos de Ponferrada.
Magnífica participación de socios de Xistra, tanto na proba de 50 km como na de 101 km.
No momento da redacción desta nova xa levan unhas 5 horas, e uns 25 km… moita sorte e forza a tod@s @s valientes.
Publicado en Actividades, Rincón do Socio
Etiquetado #Ponferrada, 100 km
Comentarios desactivados en 101 Peregrinos 2024
