Publicouse o día 12/12/2024 unha relación de subvencións concedidas pola Deputación de Pontevedra para entidades deportivas.
A nosa solicitude recibiu unha adxudicación de 1.163’82 €, cantidade que deberemos xustificar a partir do peche do exercicio deportivo de 2024.
A Xunta Directiva e o Presidente estamos satisfeitos pola axuda que colaborará a mellorar as contas do exercicio, especialmente nun ano que estamos a axustar recursos para o vindeiro ano, co fin de evitar novamente resultados económicos negativos.
Agardamos que no 2025 poidamos axudar economicamente a máis actividades deportivas e para iso xa temos implantada unha subida de cota social e unha política de redución de custos importante.
