Cunha asistencia de 20 socios e socias de número de Xistra celebrouse este sábado 08/03/2025 a Asemblea Xeral Ordinaria, correspondente a 2025 onde se deu conta do exercicio 2024 e dos proxectos de 2025.
Foron aprobadas por unanimidade as contas do exercicio 2024 e o orzamento de 2025, e validouse o acordo de Xunta Directiva sobre o Protocolo de Protección NNA contra a Violencia no Deporte.
Entre os elementos destacados da Asemblea está a aprobación dunha axuda para Roberto López que vai comezar unha nova expedición ó Himalaia en breve. O cumio do proxecto será o Makalu.
O Makalu é a quinta montaña máis alta da Terra cunha altura de 8.485 m.s.n.m. Sitúase na cadea do Himalaia, ao leste do Everest, na fronteira entre o Nepal e o Tíbet (China).
