Podedes ver as licenzas e produtos que temos dispoñibles no seguinte enlace:

Inscricións e renovación de licenzas, compra de vestiario de Xistra… aquí!

Axudas a infantís e xuvenís 2025

Marcha Infantil Xuvenil 2012

Importante: Segundo acordo por unanimidade da Asemblea Xeral de Xistra en 2024, este 2025 terá esta promoción para os socios infantís e xuvenís.

1.- As cotas e licenzas para INFANTÍS tramitadas ANTES DO 31/01/2025 serán subvencionadas ata quedar nun pago único de 1 € (un euro), para as licenzas tipo A e B.

2.- As cotas e licenzas para XUVENÍS tramitadas ANTES DO 31/01/2025 serán subvencionadas ata quedar nun pago único de 15 € (quince euros), para as licenzas tipo A e B.

Lembrade que retomamos as axudas ós socios en 2025

Pois iso mesmo que pon no título… Algúns estades a queixarvos da decisión tomada por unanimidade na última Asemblea Xeral de Xistra por tódolos/as socios/as asistentes: aumentar o prezo de socio (que levabamos décadas sen modificar) e igualalo con outros clubs da nosa contorna en 30 euros; pero tamén acordamos beneficios para os socios, xa que os participantes nas actividades recibirán as axudas e subvencións que o club poida acadar.

Para empezar, cada actividade do club dá dereito a 1 punto e cada actividade/carreira/competición da Federación galega dá tamén dereito a 1 punto. Haberá subvencións directas a fin de ano de 10, 20 e 30 €, para os que acaden 5, 10 ou 15 puntos (respectivamente).

Polo tanto, se temos 16 andainas e 4 actividades clásicas da FGM, xa temos a subvención completa; ou se participamos nas competicións de escalada, marcha nórdica ou carreiras por montaña, tamén teremos moitos puntos.

E ata damos 1 punto por ir á Asemblea, 2 puntos por asistir á Cea Anual ou por rematar un Concurso Social.

Só quedarán fóra da axuda aqueles socios que non participen da actividade social.

E lembrade que tamén damos axudas a actividades de especial relevancia, como acadar un 8000, como xa se ten feito en anos precedentes… Benvidos a 2025!