Xa está aberta a inscrición na Andaina da Bisbarra do Sar. Lembrade que os inscritos durante o mes de xaneiro dispoñen dun prezo con importantes descontos.
Máis información en http://andainabisbarradosar.blogspot.com.es
Nota: a 8/01/2017 xa estamos inscritos 4 socios de Xistra. Por favor, lembrade indicar o nome do club cando fagades a inscrición. Grazas.
Moitos xa sabedes que este ano imos ter a Reunión e Marcha FEDME de Veteranos en Granada. Será dende o 12 ata o 15 de outubro de 2017. Lembrade que estas actividades hai que reservalas con tempo.
Podedes ver máis datos no tríptico adxunto. Máis datos aquí.
Este ano decidimos que imos ir informando das actividades do club cada 3 meses (máis ou menos), co fin de adecuarnos mellor á climatoloxía e ás demandas dos socios. Sabedes que tódolos socios podedes organizar actividades e, polo tanto, quedamos abertos á vosa colaboración e ó voso traballo. Lembrade, isto non é unha empresa de turismo nin un club tramitador de licenzas, aquí todos somos montañeiros e tamén socios altruistas e todos colaboramos organizando. Polo de agora xa tendes actividades planificadas no calendario ata o mes de abril. Pronto informaremos por SMS, email e facebook. Saúdos.
Xa podemos tramitar as licenzas para 2017. PERO OLLO!!!
Como tódolos anos, se non as precisades para os primeiros de xaneiro, por favor AGARDADE A TRAMITALAS CANDO COMECE O ANO.
O CONTABLE VOLO AGRADECERÁ!!
Se tendes prevista unha saída coincidindo co fin de ano, entón tramitádea xa. Do contrario, por favor, agardade uns poucos días. Utilizade os formularios e procedementos como o ano pasado. Hai formulario para renovar e formulario para novos socios (ver máis datos en Faite Socio!
Documentos de alta socios:
Documentos de renovación anual de socios:
Xa temos a publicación dos prezos das licenzas para 2017. Os importes suben principalmente polo incremento dos prezos dos seguros deportivos (dada a alta incidencia de accidentes) e tamén polas necesidades de financiamento das federacións española e galega.
Podedes ver os prezos e coberturas aprobados o sábado 3/12/2016 neste enlace -> Licenzas 2017
ATENCIÓN:
Dende o 2/01/2017 ata o día 31/03/2017, XISTRA vai facer unha oferta destinada a tódolos nenos e nenas de menos de 13 anos. Os socios infantís que se inscriban nese periodo terán a licenza federativa e a cota social 2017 gratuíta (o que supón un agasallo de 29€). O único requisito é que un adulto (pai, nai ou titor) tramite conxuntamente a súa licenza e cota anual (Sempre 1 a 1, un neno – un adulto).
Lembrade que facemos esta oferta para incentivar a participación nas novas actividades denominadas PEQUE-RUTAS.
Agardámosvos.
(Nota: a licenza infantil será A ou B; para categorías superiores deberán abonar a totalidade).
Ascensión ó Fontefría
Por cuestións legais e de razón administrativa, as solicitudes de alta de socios, tramitación de licenzas, inscricións a cursos da FGM ou outras actividades federativas, DEBERÁN XESTIONARSE SEMPRE A TRAVÉS DO CLUB, e NUNCA directamente na Federación. Excepcionalmente, por motivos de urxencia, poderá facerse a xestión directa na FGM pero SEMPRE co coñecemento e autorización PREVIA da administración do club.
Publicado anteriormente en:
11/12/2015
Accións formativas do mes de xaneiro dirixidas a federados. Todos aqueles que desexen inscribirse teñen que ter a licencia deportiva anterior á data de comezo do curso.
Curso de Iniciación ao Montañismo Invernal
Curso de Iniciación ao Alpinismo
Curso de Iniciación á Escalada Deportiva en Rocódromo na Coruña
Co gallo do Día Internacional das Montañas en todo o Planeta, declarado polas Nacións Unidas a través da Organización para a Alimentación e a Agricultura (FAO) no ano 2003, tentamos dende os clubs da Federación e a mesma Federación Galega de Montañismo desenvolver unha actividade deportiva e social para celebrar o noso día e reinvindicar a protección dos espazos vencellados á montaña e aos seus habitantes, costumes, lugares, medioambiente,….
Máis info del evento: https://www.facebook.com/events/1538810859468787/
O club acordou aprazar sine die as actividades das peque rutas pendentes (https://xistra.org/peque-rutas-xistra) xa que a climatoloxía e compromisos dos voluntarios non fan posible a realización da mesma.
Síguenos en Telegram 
O Clube de Montaña Xistra recibiu a concesión de subvencións do Concello de Vigo para o desenvolvemento da súa actividade nas tempadas 2013, 2014, 2015, 2016, 2017, 2018, 2019, 2020, 2021, 2022, 2023, 2024 e 2025.
O Clube de Montaña Xistra recibiu as concesións de subvencións da Xunta de Galicia para o desenvolvemento de actividades deportivas correspondentes ós anos 2012, 2013, 2014, 2015, 2016, 2017, 2018, 2019, 2020, 2021, 2022, 2023, e 2024 (recibido en 2025).
