Clube de Montaña Xistra

O pasado 3/07/2016 celebrouse o IV Trail Vila de Cuntis, onde houbo unha representación «importante» do noso club. Sabedes que non somos unha entidade que (neste momento) teñamos moitos corredores, pero nesta edición participamos con 5 socios (todos másculinos).

PARTICIPANTES DE XISTRA (5)
Conde Estevez, Pablo
Brañas Perez, Roberto
Gonzalez Iglesias, Angel
Asorey Cacheda, José
Merino Encinas, José Miguel

Parabéns para todos eles, en especial para Pablo que acadou o posto 12º de máis de 160 participantes.

Xa estamos a preparar todo para o Descenso de Barrancos da FGM que este ano organiza Xistra. Será no Canón do Fafiao. Noutra nova tendes a folla de inscrición e a información complementaria.

Tamén podedes ver datos do barranco en
http://www.tic.udc.es/~nino/fotos/canones_portugal/fafiao/canon-fafiao-articulo.htm

A 3ª edición dos 100 dos International Trekkers celebrouse os 25-26 de xuño de 2016, saíndo da Pobra do Caramiñal ás 17:00h.  Percorreu os concellos de Ribeira, O Son, Noia, Lousame, Rianxo, Boiro para regresar á Pobra nun prazo máximo de 24 horas.  A proba podíase facer andando (ultrandaina) ou correndo (ultratrail). En calquera caso, é unha proba non competitiva, con apoio loxístico a todos os participantes (avituallamentos, asistencia médica, traslados, entrega de equipaxe nos km. 50…), sempre que entren nos tempos mínimos establecidos pola organización.
Os socios de Xistra eran máis do 8% dos 245 participantes inscritos.
Podedes ver máis datos en http://2016.itrekkers.org/

Estimados Socios/as:
Lembrade que os interesados na marcha de Vivac desta fin de semana, debedes inscribirvos canto antes.
Ata hoxe ás 16:00h no Club.
Ata o xoves ás 20:00h na Federación (986208758).
Máis información na web da FGM, na de Trevinca ou no facebook.

Nota en facebook de Trevinca

INSCRÍBETE AQUI -> FORMULARIO

ANULADO

Open Carreira Vertical Ría de Vigo

COMUNICADO

O Clube de Montaña Xistra informa que, dado o escaso interese en inscrición na proba de carreira vertical (única no calendario federativo de 2016 nesta modalidade) denominada Open Carreira Vertical Ría de Vigo – Vertical Sprint Moaña 2016 –, procédese a anular a citada proba.

Así mesmo, e como consecuencia desta anulación, a celebración do Campionato Galego de Carreira Vertical da Federación Galega de Montañismo, queda en suspenso.

Infórmase ás persoas que estaban inscritas que recibirán a devolución dos seus cartos mediante un abono na propia tarxeta coa que fixeron o pago en championchipnorte.com

Dende o club queremos agradecer os apoios e traballos efectuados por parte de tódolos voluntarios da nosa entidade, así como a gran colaboración e os esforzos recibidos por parte das institucións federativas e civís, en particular ás Comunidades de Montes de Domaio e Meira, pero moi especialmente ó Concello de Moaña.

Os interesados que desexen algunha información poden contactar co club no teléfono 886117011. Vigo, a 1 de xuño de 2016

COPA GALEGA DE ESCALADA BASE