Clube de Montaña Xistra

Premiados na Gala do Montañismo 2016.

O venres 22 de abril de 2016, durante a celebración da Asemblea Xeral da F.G.Montañismo, o noso club foi nomeado «Mellor Club da FGM 2015».
Este premio é consecuencia da importantísima puntuación acadada polo club a resultas da continua organización de actividades federativas e, especialmente, a alta participación dos nosos socios nas actividades do calendario oficial da Federación Galega de Montañismo.
Este título, gañado por Xistra por terceira vez, vai acompañado dunha dotación económica que, neste 2016, supera os 1500€. Xa que logo, continuaremos ofrecendo tamén as nosas achegas económicas ós socios que máis participan e colaboran.
Parabéns para todos.
A Xunta Directiva.

Importante para os escaladores:
Días pasados, uns federados que estaban a practicar a escalada nas Fragas do Eume foron preguntados se informaran da actividade que estaban a facer á Dirección do Parque. Como ninguén estaba informado dese requisito, non levaban ningún papel que acreditase a solicitude para a práctica da escalada.
A Federación púxose en contacto ca Dirección do Parque e este é o resultado:

• A escalada non está prohibida no parque, pero para a súa práctica, será requisito necesario presentar vía correo electrónico unha solicitude que a autorice.
• Os datos que figurarán na solicitude teñen que ser, a data, o sector e o número de escaladores.
• O correo electrónico hai que envialo con acuse de recibo

A dirección de envío do correo electrónico é a seguinte:
conservacion.coruña@xunta.es
copia do mesmo correo: fragas.eume@xunta.es
A día de hoxe, non se producíu ningunha restricción ni sanción, pero co fin de evitar calquer malentendido e que podamos seguir a desfrutar da escalada nesa contorna, pregámosvos que cumprades cos procedementos do Parque.