Clube de Montaña Xistra

Os compañeiros do Club Peña Trevinca (Vigo) invítannos a participar nunha charla e proxección moi interesante:
«» O pasado mes de setembro Carlos Garrido Igrexas, de Peña Trevinca, e Juan Riva, de Montañeros Celtas, conseguían escalar os 1200 metros da cara Norte de Grandes Jorasses, unha das máis famosas e difíciles dos Alpes, no macizo de Mont Blanc, situado na fronteira entre Francia e Italia. A vía escolleita foi Colton-Macintyre o que lle suma aínda máis valor a esta conquista.
Aproveitando a estancia de catro días de Carlos en Vigo, ofrécenos a posibilidade de asistir a unha proxección-charla sobre esta actividade. Será o vindeiro sábado DÍA 20, ás 19:30 HORAS no LOCAL da rúa Brasil 46-Etlo., 36204 Vigo. Perfecta ocasión para achegarnos un pouco á escalada de gran dificultade.
Non volo podedes perder! «»

Tes fotos da Andaina de Gondomar25?
Envíanolas a fotos@xistra.org!!!

Xa están as clasificacións da proba de Gondomar25km e as finais! Grazas a todos por participar!!

Ante os problemas e alertas climatolóxicas previstas para esta fin de semana, e contando coa comprensión e colaboración do Concello de Gondomar, imos pospoñer a actividade Gondomar25km unha semana.
Entendemos que coa nova data algúns de vós non poidades acudir a esta actividade. Se este é o caso, procederemos á devolución dos importes correspondentes.
Dado o aprazamento obrigado, se algún quere inscribirse aínda pode.
NOVA DATA: 23 de novembro (domingo)

Os próximos 27, 28 e 29 de novembro os compañeiros de Ártabros (A Coruña) celebrarán a undécima edición da Semana da Montaña con diversas proxeccións e como invitado estrela terán a Carlos Soria, Aventurero e Alpinista que con máis de 70 anos segue escalando montañas de oito mil metros.
A proxección do sábado 29 esta dedicada ao 40 aniversario de Artabros cunha retrospectiva de toda a súa actividade.
O lugar das proxeccións é o Museo de Belas Artes dá Coruña na rúa Zalaeta.

Hai 2 novos sendeiros homologados na provincia de Ourense. Concretamente no concello de Pontedeva, na ribeira do Miño e do río Deva. A empresa SEGATUR presenta estas rutas recen marcadas para o goce dos montañeiros e excursionistas. Son o PR-G 175 Ruta do Monte de San Xusto e o PR-G 176 Ruta do Río Deva. A primeira caracterízase polas vistas e a segunda pola fermosa contorna do río Deva e o seu exuberante bosque de ribeira.
Podedes ver máis datos en:
http://www.segatur.com/prg175.html – PR-G 175 – RUTA DO MONTE DE SAN XUSTO
http://www.segatur.com/prg176.html – PR-G 176 – RUTA DO RÍO DEVA