Novidades en agosto 2023

Publicada el 08/08/2023 por HFC

Cartel Ribeira50km 2023Pasámosvos a comentar varias novidades deste agosto 2023 e próximos eventos para setembro ata fin de ano.

Por unha banda, está aberta a inscrición na proba de Ribeira50km 2023
Tendes o enlace aquí: https://eventos.emesports.es/inscripcion/xix-andaina-50k-concello-de-ribeira/

Por outra banda, os socios de Xistra deberon recibir unha enquisa no seu correo electrónico. É para coñecer cantos podedes participar na organizaicón de Ponteareas25km de 2023. Podedes participar en https://clientes.flnube.es/index.php/apps/forms/s/i9EeBeFWXqc2JDbM8r6mx8eN

E por último comentarvos que a web de 25km.es ven de actualizarse, e que cambiamos o seu deseño. Podedes velo en https://25km.es/

 

Publicado en Varios | Comentarios desactivados en Novidades en agosto 2023

Inscricións abertas Xistra e outros produtos.

Publicada el 22/05/2023 por HFC

Podedes ver as actividades que temos abertas para inscribirvos no seguinte enlace:

Próximas actividades, inscricións e renovación de licenzas, compra de vestiario de Xistra… aquí!

Publicado en Actividades | Comentarios desactivados en Inscricións abertas Xistra e outros produtos.

EQUIPACIÓNS XISTRA.

Publicada el 22/05/2023 por HFC

Xa podedes facer os vosos pedidos de material cos logos de Xistra.

Hai material en stock de bolsas, bufandas tubulares, camisetas técnicas, etc., e tamén podedes adquirir chalecos e chaquetas polares.

Estos últimos produtos hai que pedilos e personalizalos, polo que deberedes facer o pedido e agardar a que os teñamos a disposición.

IMPORTANTE: O pedido de chalecos e chaquetas de home ou de muller remata o 11/06/2023.
Accede aquí para reservar e pagar o teu material

Publicado en Rincón do Socio | Comentarios desactivados en EQUIPACIÓNS XISTRA.

ANULADA – Saída A Veiga (Ourense) – Trevinca e río Xares. 17-18/06/2023

Publicada el 30/04/2023 por HFC

Saída A Veiga (Ourense) – Trevinca e río Xares.
Actividade sendeirista no Concello da Veiga.
Sábado 17/06/2023 – Sendeiro PR-G 211 Senda Verde do Xares – aprox. 35km pola beira do encoro de Prada.
Domingo 18/06/2023 – Sendeiro PR-G 200 Ruta das Lagoas Glaciarias da Serpe e de Ocelo – aprox. 14 km
Durmida venres e sábado no refuxio da Ponte.
2 Noites x 5€ = 10 €

Haberá axudas por desprazamento por persoa. A axuda poderá ser de entre 15 e 35 € por persoa.

Máximo 20 persoas.
Inscrición por orde de pago.
Data límite para realizar a inscrición: 13-06-2023
Inscricións: ANULADA

Publicado en Actividades, Andainas25, Rincón do Socio | Comentarios desactivados en ANULADA – Saída A Veiga (Ourense) – Trevinca e río Xares. 17-18/06/2023

Marcha nocturna de adestramento en 25 km 3-4/06/2023

Publicada el 29/04/2023 por HFC

MarchaMarcha nocturna de adestramento en 25 km 3-4/06/2023

Continuando coa preparación da marcha dos 100 km, propoñémosvos unha marcha singular: 25km entre Zamáns, Aloia, Arruídos e retorno a Zamáns, con tramos nocturnos.

A saída prevista sería de día, aproximadamente ás 19:30 horas dende o parque forestal de Zamáns (390 m), para subir ata o Coto Mediodía (654 m) (ascensión opcional), seguir o sendeiro en dirección ó monte Aloia (633 m). Aquí faremos unha parada no cumio para ver anoitecer e cear (hai que levar os propios víveres e bebidas pois non garantimos que o bar estea aberto).

Esta noite será de lúa chea, pero deberemos levar frontais e luces de emerxencia para cando transitemos por estradas.

O retorno será nocturno e con ascensión ata o monte Arruídos (709 m), onde chegaremos despois das 24:00, polo que será unha ascensión no domingo 4 a primeiras horas. Despois retomaremos o camiño en dirección a Zamáns pola ruta máis longa pero con menos riscos.

ATENCIÓN: NON SERÁ MARCADA. HAI QUE IR EN GRUPO SEGUINDO Ó GUÍA.

A actividade será confirmada en función da climatoloxía con 2/3 días de antelación.

Obrigatorio inscribirse antes do día 30/05/2023
Enlace inscricións: https://xistra.playoffinformatica.com/actividad/56/Marcha-nocturna-de-adestramento-en-25-km-3-4-06-2023/

Publicado en Actividades, Andainas25, Rincón do Socio | Comentarios desactivados en Marcha nocturna de adestramento en 25 km 3-4/06/2023

Marcha Vivac Xistra – Trevinca 27-28/05/2023 – Adiada por mal tempo.

Publicada el 29/04/2023 por HFC
Marcha con Vivac

Marcha con Vivac

Imos realizar unha actividade de marcha con durmida na Serra de Pena Trevinca, coa idea que serva para coñecer máis a serra, observar o ceo nocturno, fortalecermos o «paquete muscular» de cara á marcha de 100 km, e compartir unhas vivencias distintas das habituais nas andainas.

Accederemos o sábado ás 12:00 dende Fonte da Cova. Comezaremos a marcha nas proximidades da mina de lousa da Cabrita.

O percorrido aproximado sera: A Cabrita, Portillo de Puertas, Portela de Morena Cavada, Pena Vidulante, Lagoa de Patos, Picón, O Camello, rego de Riopedro, curro de Vidulante (opción vivac), río Tera, Lagoas de Piatorta, O Xanzanal, Pena Trevinca, retorno a Portela de Morena Cavada e volta ata A Cabrita.

Deberemos levar roupa adecuada, comida e bebida. Agardamos atopar mananciais durante o percorrido, pero deberemos ter precaución de desinfectar a auga.

Para durmir, cada quen terá que solucionar o problema co seu saco e cos seus medios.

Antes do evento, faremos un estudo da climatoloxía e decidiremos se é posible a realización da marcha a 2/3 días vista.

Por favor, os interesados inscribídevos canto antes para coñecer se hai demanda real desta actividade. INSCRICIÓNS ANTES DO DÍA 12/05/2023.

Folla de inscrición: https://xistra.playoffinformatica.com/actividad/55/TREVINCA-Marcha-Vivac-Xistra-Trevinca-27-28-05-2023/

Publicado en Actividades, Rincón do Socio | Comentarios desactivados en Marcha Vivac Xistra – Trevinca 27-28/05/2023 – Adiada por mal tempo.

VI Andaina do Condado Marqués de Vizhoja 2023 – 07/05/2023

Publicada el 29/04/2023 por HFC

Cartel da Andaina do Condado 2023Os compañeiros de Cornelios volven coas andainas pero baixan de 50km a 25km…

Será o próximo día 7 de maio de 2023, con saída dende As Neves, ás 9:00.
Haberá opción de inscribirse en distancia de 15 km (9 €) e de 25 km (13 €).
Tendes a web para inscribirse ata o día 2 de maio en
https://tracktherace.com/es/eventos-deportivos/otros/andaina-do-condado-marques-de-vizhoja

Publicado en Actividades, Andainas25, FGM, Rincón do Socio | Comentarios desactivados en VI Andaina do Condado Marqués de Vizhoja 2023 – 07/05/2023

XIX Andainatudense Solidaria 2023

Publicada el 29/04/2023 por HFC

Logo XIX Andaina Tudense SolidariaO sábado 13 de maio o club Andatui celebrará a XIX Andainatudense Solidaria 2023.

Sairemos ás 10:00 horas desde a praza da Inmaculada para recorrer varias rúas de Tui antes de tomar rumbo hacia as Bornetas, Randufe e o miradoiro do Alto do Coello (fotos), para logo chegar a cima do monte Aloia onde xantaremos arredor da capela de san Xiao. Pola tarde baixaremos por Pazos de Reis para regresar de novo a praza da Inmaculada, onde finalizará a XIX Andainatudense Solidaria.

En total percorreremos sobre 23 quilómetros, tendo avituallamentos intermedios. No remate da Andainatudense faremos un sorteo de agasallos.

A acción solidaria irá destinada a SOS Tomiño Baixo Miño, polo que na recollida do dorsal solicitaremos entregar 1 quilo, ou máis, de alimentos non perecedoiros.

INSCRICIÓNS E INFORMACIÓN EN
https://www.andatui.es/xix-andainatudense-solidaria-2023/

Publicado en Actividades, Rincón do Socio | Comentarios desactivados en XIX Andainatudense Solidaria 2023

Andainas en 2023

Publicada el 21/03/2023 por HFC

2020 Andaina Bisbarra do Sar.

Pasámosvos os datos das próximas andainas neste 2023, aínda que algunhas non pertencen ó Open de Andainas de 25km, pero están na Liga Xunta – Federación.

    • 12/03/2023 – AndaGuláns25km – https://xistra.org/andagulans2023/
    • 25/03/2023 – Andaina Bisbarra do Sar 50 km – http://andainabisbarradosar.com/
    • 16/04/2023 – Andaina Porto do Son 25 km ou 15 km – https://trabandainas.com/
    • 22/04/2023 – Camiñada de Montaña de Entrimo 50 km – Entrimo50km2023
    • 07/05/2023 – Andaina do Condado 25 km – Andaina do Condado 25km 2023
    • 13/05/2023 – XIX Andainatudense Solidaria 2023 – https://www.andatui.es/xix-andainatudense-solidaria-2023/
    • 14/05/2023 – Xinzo25km – https://xistra.org/xinzo2023/
    • 20/05/2023 – Terras de Altamira 50 km – http://andainaterrasdealtamira.blogspot.com/
    • 3-4/06/2023 – Andaina Nocturna Vigo-Aloia 25km – https://xistra.org/marcha-nocturna-de-adestramento-en-25-km-3-4-06-2023/
    • 10/06/2023 – Andaina 50km Ferrol – https://costaartabra50kmsferrol.blogspot.com/
    • 17/06/2023 – Andaina Xeoparque das montañas do Courel – 25km – Máx.50 participantes con GPS
    • 24-25/06/2023 – Os 100 dos International Trekkers – 100 km – https://itrekkers.org
    • 02/07/2023 – Cuntis 25 Km – https://sportmaniacs.com/es/services/inscription/x-andaina-vila-de-cuntis—spacio-salud
    • 02/09/2023 – Andaina 50km Ribeira – https://eventos.emesports.es/inscripcion/xix-andaina-50k-concello-de-ribeira/
    • 23/09/2023 – Andatui – De fortaleza en fortaleza – 23 km – https://www.andatui.es/de-fortaleza-en-fortaleza-2/
    • 24/09/2023 – Túneles de Culleredo 25 km – https://sportmaniacs.com/es/services/inscription/andaina-tuneles-de-culleredo
    • 01/10/2023 – Barbanza25km – https://eventos.emesports.es/inscripcion/v-barbanza-25km-copa-galega-de-andainas/
    • 12/11/2023 – Andaina de outono O Barco 25km – https://sportmaniacs.com/es/services/inscription/xvii-andaina-de-otontildeo-o-barco-de-valdeorras-i-liga-xunta-de-galicia-de-senderismo-da-fgm-liga-iberica-de-
    • 26/11/2023 – Ponteareas25km – https://xistra.org/ponteareas25km-2023/ APRAZADA POR CAUSA DE FORZA MAIOR – INUNDACIÓNS

Animádevos a participar!
(Xistra non se fai responsable dos enlaces web que non son propios; é dicir dos que non sexan https://xistra.org…; neses casos os responsables son os organizadores correspondentes)

Publicado en Actividades, Andainas25, FGM, Rincón do Socio | Comentarios desactivados en Andainas en 2023

Xinzo 2023 – Open 25 km

Publicada el 12/03/2023 por HFC

OPEN ANDAINAS 25 km
XINZO25KM

Proba do
IX Open Andainas de Regularidade 25 km (2023)

XINZO 25 KM + XINZO 13 KM

Esta andaina forma parte do IX Open Andainas de Regularidade 25 km (2023)
Este ano retomamos a competición de regularidade no Open.

Actividade organizada pola Asociación Cultural Xinzo de Ponteareas e o Clube de Montaña Xistra.
Colaboran Concello de Ponteareas e Protección Civil.

Información da Ruta

  • Data: 14 de maio de 2023
  • Distancia: Rutas Circulares de 25 km e 13 km, aproximadamente
  • Dificultade: 25 km Media/Alta e 13 km Media/Baixa
  • Só conta para a competición de regularidade a proba de 25 km
  • Peche de inscricións: 9 de maio de 2023, ás 23:59 horas
  • Entrega de dorsais: dende as 8:00 ata as 8:45 horas
  • Punto de saída: Centro Cultural de Xinzo (Ponteareas) – Ver en Maps
  • Inicio da Andaina de Xinzo 25 km: 9:00 horas
  • Inicio da Andaina de Xinzo 13 km: 9:30 horas
  • Punto de chegada: Centro Cultural de Xinzo
  • Avituallamentos durante a proba.
  • Ó finalizar haberá pinchos e bebida.

OS FEDERADOS FEDME/FGM DEBERÁN OBRIGATORIAMENTE PRESENTAR O SEU DNI E A SÚA LICENZA NO MOMENTO DA ACREDITACIÓN. DE NON FACELO A ORGANIZACIÓN CONSIDERARÁ QUE NON ESTÁN FEDERADOS E NON PODERÁN PARTICIPAR NA PROBA. NON SE DEVOLVERÁN OS CARTOS.

Enlace para as inscricións AQUÍ

Publicado en Actividades, Andainas25, Rincón do Socio | Etiquetado , , , , | Comentarios desactivados en Xinzo 2023 – Open 25 km