Clube de Montaña Xistra

Ábrese a inscrición para os “Colaboradores” (ou voluntarios) de Xistra. A partir de hoxe e durante o mes de maio agardamos os vosos correos electrónicos ou chamadas telefónicas indicando a vosa disposición para colaborar na organización da XLI Reunión e Marcha Nacional de Montañeiros Veteranos FEDME.

Lembrade que será o 13 e 14 de setembro de 2014 en Entrimo (Ourense). Precisaremos persoas colaboradoras os días 12, 13 e 14, non sendo obrigatorio axudar tódolos días.

Así precisamos algúns poucos colaboradores o venres 12, máis persoas o día 13 pola mañá, moitos máis axudantes o mesmo sábado pola tarde e, loxicamente coincidindo coa marcha do domingo, será necesaria a participación de moita máis xente o día 14 (para inscrición e controis, avituallamentos, marcaxe de ruta, equipos de seguimento e eventuais accidentes, grupo vasoira, etc.).

Para os socios que non poidan participar como voluntarios, pero que teñan claro que queren asistir coma participantes, tamén está aberta a inscrición no club dende xa.

No Val de Bielsa do 24 ao 31 de agosto

O 68º Campamento Nacional de Montaña da FEDME terá lugar do 24 ao 31 de agosto no Val de Bielsa (Huesca) na zona de influencia do Parque Nacional de Ordesa e Monte Perdido, sector Pineta, co Monte Perdido e o Macizo da Munia como as montañas máis altas. Está organizado por Montañeros de Aragón Barbastro e a Federación Aragonesa de Montañismo.
Os participantes terán á súa disposición o camping Bielsa, o camping Pineta e o Refuxio de Ronatiza da Federación Aragonesa de Montañismo, así como diversos hoteis, albergues e casas rurales. Haberá servizo de Campamento Infantil, suscitado como guardería e ludoteca para nenos de 6 a 12 anos con múltiples actividades, e tamén servizo médico prestado por profesionais sanitarios e membros do club.

Máis datos aquí

Esta fin de semana pasada (26-27/04/2014) o noso clube organizou o Campamento e Marcha Galega de Montaña da FGM. Participaron 31 federados de varios clubs de Galicia. Os socios de Xistra fomos 20.

Celebrámolo na Serra do Xurés, en concreto no monte Quinxo. A marcha normal partiu dende as proximidades do encoro de Olelas (Entrimo) e ascendeu polas fortes ladeiras oeste. Logo o percorrido pasou polo cumio sur, tamén chamado Quinxo.

Ademais fixemos unha segunda marcha máis suave para os cativos. Partindo do Casal ascendeu paseniñamente pola beira do río Pacín. Como sobrou tempo visitamos, xa no concello de Bande, o campamento romano de Aquis Querquenis.

ENTRIMO
XI Camiñada da Montaña de Entrimo
O vindeiro día 26 de abril do 2014 terá lugar a XI Camiñada da Montaña de Entrimo, cun percorrido de 50 quilómetros. A duración da proba é de 12 horas (de 9.00 horas – a 21.00 horas). O seu inicio terá lugar na Alameda do Concello en Terrachán (Entrimo) ás 9.00 horas. O longo do traxecto situaranse postos de avituallamento de bébida e froita. Cara o mediodía e na mesma Alameda, os participantes da camiñada poderán reponer forzas coa comida que ofrezca a organización.
O prezo da inscrición será de 10 euros para NON FEDERADOS e de 8 euros para FEDERADOS.
Máis info

SANTIAGO
Andaina 50km 2014
O sábado, 10 de maio de 2014 arrancamos coa nova edición da ANDAINA DOS 50 KM A SANTIAGO! Vos invitamos a vivir esta experiencia con nós e a pasar unha xornada saudable!!
Este ano, como é de costume, sairemos da Praza do Obradoiro ás 9:00h e realizaremos unha  ruta circular que consta de dous bucles:
– o primeiro de 30km percorre o Pedroso, Aradas, Ponte Albar, Río Tambre, río Gatofero e río Sarela ata San Lorenzo.
– o segundo sae de San Lourenzo e segue o camiño de Fisterra ata Vidán para ir á Rocha, Montouto, Bornais, Angrois, Viso, Sar e final no pavillón do Instituto Rosalía de Castro.
a da ruta perfil
Máis info
ABERTO PRAZO DE INSCRICIÓN DENDE O LUNS 7 DE ABRIL !!

SALCEDA DE CASELAS
VII Andaina Concello Salceda de Caselas
Copa Galicia de 50 km (2014)
Roteiro circular de 50 km
Data: 24 de maio de 2014
Límite participantes: 250     
Peche da inscrición: Venres 17 de maio ás 20:00
Máis info

Podedes ver só algúns dos moitos socios de Xistra premiados que mostran os agasallos recibidos (correspondentes á Copa de Andainas de 50km de 2013) durante a Gala do Montañismo Galego celebrada o 12/04/2014 no Hotel Coia de Vigo.
O Presidente mostra tamén un trofeo que premia que Xistra fose o club que máis participantes presentou nas marchas de 50km de 2013. Parabéns a tódolos homenaxeados.