Clube de Montaña Xistra

Estimados amigos do clube de montaña Xistra:
Querémonos presentar os International Trekkers Barbanza Sar. Somos un grupo de xente de Boiro, Rianxo, A Pobra, Lousame, Padrón, Rois e Dodro que ten xa bastante experiencia en andainas por toda Galicia.
O ano pasado organizamos para nós unha andaina de 100km en 24 horas polo Barbanza (fixémola en 20 horas), e tanto nos gustou que nos plantexamos organizar unha en Galicia para que todo o mundo.
Organizamos esta proba (sen retencións) que este ano sairá de Boiro o día 21 de xuño.  Se queredes máis información da proba podedes acudir á páxina http://itrekkers.org/ ou á páxina do facebook, http://facebook.com/itrekkers.
Quedamos á vosa disposición. Moitas grazas,
Os ITBS.

O día 12/04/2014 terán lugar a Comisión Delegada e a Asemblea Xeral da FGM.
Trala finalización pola tardiña celebrarase, como ven sendo habitual, a festa do montañismo no Hotel Coia de Vigo.
Será o momento da entrega dos trofeos ós participantes das andainas de 50km que acadaron 4 ou máis probas durante o 2013.

O «Open de Andainas de 25km» de Xistra está acadando máis repercusión do agardado. Varios medios de prensa se teñen posto en contacto con nós e, aquí vos deixamos a nova de Faro de Vigo do día 11 de marzo de 2014. Tamén no dia 14 a Radio Galega difundirá unha entrevista sobre estes eventos.

Onte recibimos a comunicación dende a FGM na que cancela a actividade de raquetas FGM 2014, prevista (despois de modificar o calendario) para o día 16/04/2014. Lamentamos que os socios de Xistra interesados nesta actividade non puidesen participar neste evento que tiña que organizar o Club Montañeiros Celtas. Outra vez será.