Clube de Montaña Xistra

A Escola Galega de Alta Montaña (EGAM) mantén aberta a posibilidade de aprender a escalar en fendas empregando seguros móbiles, e dicir, friends e empotradores. Para iso hai novas datas do curso que son o 28 e 29 de setembro. Os contidos e programa segue a ser o mesmo, podedes consultar o pdf do curso na área de formación, igual que o director do curso, José Juan, especialista de escalada en fendas.

Todos os que esteades interesados podedes inscribirvos xa. No caso de que haxa participantes de Xistra, recibirían unha subvención do club de 40€ (cun límite dos 4 primeiros inscritos).

Ollo! Desta actividade xa hai información en pdf (ver aquí). Son esixibles uns coñecementos previos.

A Escola Galega de Alta Montaña (EGAM) realizará o curso de Monitor de Clube durante as seguintes datas, 23/24 de novembro e 30 de novembro e 1 de decembro deste ano 2013.

O curso está dirixido a todos aqueles federados membros de clubs de montaña galegos implicados na organización de actividades de montañismo. Son todas aquelas que non precisan o emprego de cordas e material de progresión y/ou seguridade de escalada, alpinismo, descenso de barrancos e esquí de montaña.

Ofertaranse vinte e cinco prazas. Os requisitos de acceso a formación publicaranse coa convocatoria do curso, quince días máis adiante desta primeira comunicación, pero avanzamos que todo aquel que desexe participar ten que ser maior de idade, ter a ESO ou formación equivalente e un curriculo deportivo do cal darase detalle na convocatoria.Os interesados poden estar pendentes de futuras novas na páxina da FGM.

No calendario da FGM/EGAM hai previstos uns cursos relacionados coa escalada. Sabemos que algúns de vós estades moi interesados nos mesmos. Por iso imos publicitalos e axudalos:

12/13 outubro 2013 – CURSO DE ESCALADA EN ROCÓDROMO – 75€ – 12 Prazas

19/20 outubro 2013 – CURSO DE ESCALADA EN BLOQUE (BUDIÑO) – 75€ – 16 Prazas

A subvención de Xistra para os seus socios será de 40€, quedando cada curso nun custe de 35€. Só serán subvencionados 4 participantes por curso, seguindo a rigorosa orde de inscrición. As inscricións deberán tramitarse directamente no club (mediante correo electrónico) e facer o ingreso do curso (antes de 24h dende a remisión do correo electrónico).

Apuntádevos pois as prazas son moi limitadas e é para toda Galicia.