Clube de Montaña Xistra

A XI Andaina Popular “Concello de Riveira”, de novo volve a modificar o percorrido habitual dos anos precedentes, buscando novos alicientes que consigan o disfrute dos participantes nesta proba. Nesta edición as novedades principales, son o lugar de salida (Complexo de A Fieiteira), acadándose a máxima altura da ruta nos primeiros 20 km. Por primeira vez nos 11 anos de existencia, non se subirá o emblemático Monte Tahume, pero a cambio acadarase a máxima altura de sempre: os máis de 600 metros do Monte Forcados, coa conseguinte vertixinosa baixada do km. 17 ó 18.

A ruta misturará estes terrenos montañeiros, con novas rutas fluviales, nova subida ó Monte da Cidá, e retomaremos o sendeiro costeiro de Couso. En fin, traballando arreo para que cada ano os participantes se atopen unha andaina nova.

INSCRICIÓN

Prezo dende o 1 de Agosto ata o 3 de Setembro:
15 €uros (con camiseta de recordo)
10 €uros (sin camiseta)

A partir do 3 de Setembro, haberá un prezo único de 25 euros, sen dereito á camiseta de recordo.
www.riveira.es

Este sábado fixemos o descenso de barrancos no río Mao. Asistiron 6 dos nosos socios, gozando deste día na auga.
Logo do descenso, a organización preparou unha merenda-cea de confraternización.
Xa tendes as fotos na web (no enlace da dereita) e poremos vídeos en canto poidamos para que todos gocedes da aventura.

Dado o elevado prezo da inscrición deste ano no Campamento FEDME, temos pensado adicar unha cantidade extraordinaria do presuposto para axudar ós asistentes ó Campamento FEDME de finais de agosto.

Podedes ver máis información do campamento FEDME pinchando aquí

Estamos pendentes de saber canto vai dar a Federación Galega de Montañismo para axuda ós deportistas federados galegos que acudan a esta actividade estatal.

Polo tanto, e mentres non saibamos que cantidade van ofertar dende a FGM, o Clube de Montaña Xistra infórmavos que nós adiantaremos unha cantidade de entre 30 e 40€ para os maiores de 14 anos que fagan a inscrición neste campamento. A axuda definitiva dependerá da cantidade de participantes de Xistra que asistan e das axudas que oferte a Federación.
Para os menores de 14 anos (que non están obrigados a pagar inscrición) a axuda do club será de 10€/neno.
Lembrade que estas actividades federativas FEDME outorgan 2 puntos a cada participante dentro do baremo do club. Só é preciso asistir e inscribirse un día para conseguir os dous puntos (e non é preciso estar toda a semana).

Por outra banda, a socia Pilar del Moral está preparando unhas xornadas no refuxio de Torrebarrio (León) para os días 15-16-17-18 de agosto (todos eles festivos en Vigo).
Cremos que vai ser un encontro interesante e económico, xa que a durmida no refuxio ten un custe de 3€/persoa/día.
Faranse marchas de dificultade media/baixa para que poidan asistir os nenos.
Os que teñan interese en facer actividades máis duras, teñen o Peña Ubiña na porta do refuxio.
En canto teñamos máis datos pasaremos unha información completa.

Por último, os que estean interesados en facer unha aprendizaxe de descenso de barrancos, debedes saber que procuraremos facela unha tarde da próxima semana (entre o mércorese o venres). Debedes facer a inscrición mediante o formulario da web de Xistra ou chamando ó club.