BARRANQUISMO XISTRA – Río Verdugo – 26/08/2022
Actividade só para socios, federados FEDME B ou superior.
O descenso será o venres 26/08/2022.
Non está prevista durmida previa nin comida.
DESCENSO DE BARRANCOS XISTRA NO RÍO VERDUGO
26-08-2022 09:00:00 Río Verdugo – Concello de Ponte Caldelas
Actividade sen custo
INSCRICIÓNS NO SEGUINTE ENLACE:
https://xistra.playoffinformatica.com/actividad/41/BARRANQUISMO-XISTRA-Rio-Verdugo-26-08-2022/
Publicouse o día 08/08/2022 unha relación de subvencións concedidas pola Deputación de Pontevedra para entidades deportivas.
A nosa solicitude recibiu unha adxudicación de 1.135’81 € (é dicir, respecto dos 2.500’00 € de 2021 maniféstase un descenso sobre o ano precedente dun 55%), cantidade que deberemos xustificar a partir do peche do exercicio deportivo de 2022.
A pesares da importante reducción respecto do ano precedente (pero en liña doutros anos previos á Covid), a Xunta Directiva e o Presidente estamos satisfeitos pola axuda que colaborará a cadrar as contas do exercicio, especialmente nun ano que estamos aportando recursos dende a entidade para sufragar os encarecidos desprazamentos ás áreas de alta montaña.
Ribeira 50 km 2022
Xa está aberta a inscrición para a XVIII ANDAINA 50K – CONCELLO DE RIBEIRA.
Volve o clásico de 50km a beira do mar. Pero lamentablemente este ano non é proba federativa, nin ten desconto para federados. O prezo é de 17 €.
Dende Xistra fixemos todo o que estaba nas nosas mans para poñer en comunicación á Federación e ós organizadores pero parece que, por algún motivo propio da dirección da Federación, non houbo interese en contactar cos organizadores.
De todas formas, a Xunta Directiva de Xistra proponvos a participación neste importante evento deportivo de gran tradición.
Enlace para inscricións
https://eventos.emesports.es/inscripcion/xviii-andaina-50k-concello-de-ribeira/
Procedemos a informarvos do proceso electoral da Federación Galega de Montañismo. Animámosvos a participar e presentarvos como deportistas, técnicos e árbitros en cada estamento da Asemblea. Para calquera cuestión, podedes falar con nós nos teléfonos do club.
Reproducimos circular emitida por Adolfo Puch:
<< Achégovos neste correo a Convocatoria de Eleccións 2022 xunto ao Regulamento e Calendario electorais coa aprobación definitiva da Secretaría Xeral para o Deporte da Xunta de Galicia que rexirán o noso proceso electoral.
Anímovos a unha participación activa nestas eleccións.
Comentarvos que conforme á normativa de referencia publicarase na páxina web da federación con accesos restrinxido aos federados/as mediante identificación co número de DNI, na solapa “Federación” no apartado de “Transparencia” no botón de “Proceso Electoral 2022“ (directamente no enlace https://fedgalmon.gal/proceso_electoral_2022/), toda a documentación que se vaia xerando.
Rógovos difundades esta información entre os vosos socios.>>
Aínda non nos avisaron dende a FGM, pero como tódolos anos supoñemos que farán un «parón» estival no mes de agosto… ¿que implica isto?
Pois se estades interesados en tramitar licenzas, ou ampliar as coberturas para poder viaxar a Europa ou ó resto do mundo; se ides solicitar os refuxios en agosto; se precisades facer outros trámites… ADIANTADE TODO A XULLO!!
Logo non digades que non estabades avisados. 😉
Saída Montaña Palentina.
Actividade unicamente para socios de Xistra con licenza B ou superior.
Saída o sábado 23 dende Vigo, con actividade o sábado, domingo e luns.
Regreso o luns.
A inscrición inclúe a hospedaxe en liteiras na poboación de Cardaño de Abajo. O importe é de 23 € / persoa / noite.
Hai opción dunha soa habitación dobre. O importe é de 27 € / persoa / noite.
Debido as distancias e ó prezo do combustible haberá unha axuda económica do club para o transporte que oscilará entre os 35 € e os 65 € en función da cantidade de socios participantes.
Prazas moi limitadas (9) e inscrición urxente (antes do 6 de xullo).
Páxina de inscrición e pagamento aquí.
Trasladamos información da FGM respecto deste curso:
«Ola moi boas a tod@s,
Práceme informarvos que no mes de setembro a FGM a través da EGAM organizará e levara a cabo un curso de formación de árbitros de marcha nórdica autonómicos con homologación FEDME. Esto quere dicir que aqueles/as que superen este curso poderán optar á homologación FEDME e ser recoñecidos/as como árbitros estatais. Pero o primeiro paso e obter a titulación autonómica, neste caso a da FGM.
(…) A posibilidade de inscribirse e desde xa, ben no club ou empregando o link que aparece na convocatoria. Por favor, todos/as as interesadas teñen que ter a licencia deportiva FEDME, xa que é un curso homologado, a licencia autonómica é insuficiente.
Calquera dúbida a poden consultar connosco coma sempre.
Saúdos
José Manuel Pérez Prego
Director Técnico da FGM»
Descarga información curso
II Proba da Liga Galega de Sendeirismo FGM 2022
Dende a FGM recibimos a seguinte información:
«Práceme enviarvos a información sobre a II Proba da Liga Galega de Sendeirismo que se desenvolvera no PR-G98 no Canón do Sil o sábado día 11 de xuño.
Acompañando esta menxase tendes dous arquivos co cartel da proba e información máis detallada.
Lémbrovos que a actividade está dirixida a socios dos clubs de montaña integrados na FGM. Tod@s os que queiran inscribirse teñen que ter a licencia federativa do ano en curso, ben autonómica ou FEDME.»
Información da FGM
INSCRICIÓNS NA WEB DA FGM
Consultas: chamar a 986 20 87 58
Correo recibido dos Organizadores:
Cita en Lousame! Unha cita que vos levará por 7 concellos e onde ides sufrir e gozar en partes iguais. Ben, non, en partes iguais, non, porque ao chegar aos 100km unha paixón brutal zoupará o voso peito! Por favor, abride e lede atentamente o arquivo adxunto en PDF con información MOI importante sobre a proba. Calquera dúbida, escribide a este correo (andaina100km@itrekkers.org) . Vémonos en Lousame!
Información final 100 km 2022.pdf
Track da proba
Campionato Galego de carreira vertical individual e por clubs
O proba levarase a cabo o día 20 de agosto ás 16:00, celebrándose no quilómetro vertical do Formigueiros, contando con unha lonxitude de 3,9 quilómetros e un desnivel positivo de 950 metros.
OS GAÑADORES TERÁN PRAZA DIRECTA PARA O CAMPIONATO DE ESPAÑA DE KV!!
Síguenos en Telegram 
O Clube de Montaña Xistra recibiu a concesión de subvencións do Concello de Vigo para o desenvolvemento da súa actividade nas tempadas 2013, 2014, 2015, 2016, 2017, 2018, 2019, 2020, 2021, 2022 e 2023.
O Clube de Montaña Xistra recibiu as concesións de subvencións da Xunta de Galicia para o desenvolvemento de actividades deportivas correspondentes ós anos 2012, 2013, 2014, 2015, 2016, 2017, 2018, 2019, 2020, 2021, 2022 (recibido en 2023) e unha axuda especial de reactivación Covid en 2021.
Tamén unha axuda para adquisición de material deportivo en 2022 e en 2019.
