Xistra recibiu a concesión da subvención de 2012 da Xunta de Galicia que, no momento de escribir este texto, aínda non foi percibida. Tamén recibimos a subvención 2013 do Concello de Vigo, a cal si xa foi abonada na nosa conta.
E vimos de recibir a información de que a Deputación de Pontevedra asignounos tamén unha axuda económica para o 2013.
Como sabedes, estas axudas repercuten na organización de actividades e directamente na vosa participación, o cal axuda a pagar camisetas de andainas, equipacións de carreiras, desprazamentos da fisioterapeuta, bandeirolas, cheques de desprazamento, etc. Teredes máis información en próximas datas e na Asemblea Xeral do club.
