Éxito da Marcha de Vivac FGM – Xistra

Ascensión ó Fontefría

Ascensión ó Fontefría

A XXVI Marcha de Vivac da FGM celebrouse esta fin de semana pola Serra do Xurés. Se a participación foi un pouco escasa, isto non desmereceu a actividade. Organizada e levada en horario, permitiu a realización de forma tranquila, o que facilitou que tódolos participantes gozaran das fermosas e graníticas vistas desta serra.

A auga foi máis escasa do que estaba previsto, pero en ningún momento fixo perigar a actividade. O vivac foi realizado baixo o Nevosa. A noite foi tranquila e alumeada polas estrelas e a Vía Láctea.

Trepada no tramo final do Fontefría.

Trepada no tramo final do Fontefría.

No final da marcha en San Paio (Lobios), despois de refrescarse no bar da aldea, uns participantes gozaron das duchas do Refuxio federativo de Albite e outros das pozas do río Caldo. Realizouse a clausura da actividade no restaurante A Entrimeña, entregando uns agasallos conmemorativos e funcionais.

Participaron 3 socios de Celtas, 4 de Fontiñas, 1 de Budiño Trail, 6 de Trevinca M.G. e 9 de Xistra.

Marcha de Vivac 2013

Marcha de Vivac 2013

Podedes ver vídeos da subida neste enlace: aquí

 

 

 

         

Esta entrada fue publicada en Actividades, FGM. Guarda el enlace permanente.