Os socios do Clube de Montaña Xistra de Vigo, fundado en 1991, e a súa Xunta Directiva prácese en comunicar un logro sen precedentes na súa historia. Un dos nosos socios, Roberto López, cunha dilatada experiencia en ascensións de altura e Deportista de Alto Nivel Galego (DGAN) alcanzou o pasado domingo vinteseis de setembro o cumio do Manaslu, unha das montañas máis desafiantes do Himalaia e a oitava máis alta do mundo, que se eleva a 8163 metros sobre o nivel do mar.
Esta fazaña marca un fito significativo na traxectoria do club, xa que é a primeira vez que uno dos nosos membros alcanza un cume desta envergadura no Himalaia. Ao longo dos anos, varios dos nosos socios conquistaron os cumes máis altos de tres continentes, como o Kilimanjaro, o Elbrus e o Aconcagua.
O éxito de Roberto López no Manaslu é un testemuño da dedicación, o adestramento rigoroso e a paixón pola montaña que caracteriza aos nosos membros. Continuaremos apoiando e alentando aos nosos socios na procura de novos desafíos no mundo da montaña.
Este logro reflicte, en opinión do Presidente da entidade, Henrique Freixeiro, a excelencia do Clube de Montaña Xistra e demostra que os nosos membros están dispostos a superar os seus límites en busca da aventura e a superación persoal, tanto a nivel galego como fóra das nosas fronteiras.
