Clube de Montaña Xistra

Andaina das Neves 2019

Xistra contou con unha grande participación nunha proba onde os inscritos na marcha de 50 km chegaron ata os 150 marchadores.

Parabéns para tódolos participantes nunha proba que mostrou un percorrido sorprendentemente suave, arredor das beiras dos ríos das Neves e Salvaterra. Nun dos puntos case nos achegamos ata Ponteareas e gozamos das ribeiras do Uma e do Tea.

A primeira proba da Copa de Escalada de Base 2019 será o dia 5 de Maio en Vigo.

Ademais recordámosvos os seguintes puntos importantes:
1. É imprescindible que clubs, adestradores e participantes coñezan o regulamento.
2. A puntualidade.
3. Que os participantes entreguen a licenza federativa ós árbitros ó chegaren e recollan o seu dorsal.
4. Importante que os participantes veñan co seu material homologado e o teñan posto antes de saír a competir (non permitiremos material que non sexa homologado).

Thais López – Coordinadora de competicións da FGM

Podedes facer a inscrición para a proba de 50 km de Entrimo dende a web do Concello:

http://www.concelloentrimo.es/

http://www.concelloentrimo.es/img/caminada_montana_entrimo/INFORMACION.docx

O día 7 de abril celebrarase no Xurés un evento promovido pola FGM e organizado por P.Trevinca M.G. correspondente co Día do Sendeirista.
Será unha marcha de 19 km e haberá autobús dende Vigo a un prezo de 9€.
Podedes ver máis datos nestes enlaces e facer a inscrición e o pagamento do bus neste formulario: Inscrición dende Xistra.
Datos: Información – mapa

HOMENAXE ÓS SOCIOS – Máis datos aquí en pdf.

O día 16 de febreiro de 2019 desexamos homenaxear a todos aqueles socios que cumpriron 25 anos como membros desta entidade deportiva o ano pasado (2018).

• SÁBADO 16 DE NOVEMBRO DE 2019
• ás 21:30h no HOTEL COIA (Vigo)
• Podedes acudir con familiares ou amigos.

MENÚ (Adultos: 20€ socios e 25€ non socios)¹

• Aperitivos variados
• Cordeiro ó forno / rodaballo á grella (a elixir na inscrición)
• Torta de San Marcos ou de froitas
• Bebidas, café e licores.

(Menú infantil – ata os 10 anos – 7€ socios e 12€ non socios)

Reservas unicamente a través da web de Xistra ata o día 12 ás 21h

Agardámosche nesta cea de gala que ofrece o Clube de Montaña Xistra co fin de brindar un momento agradable e ameno a tódolos seus socios, pois grazas a ti e a tódolos deportistas do club somos o que somos. Esperámosche.

Finalizada a cea haberá baile con música en directo.

ASEMBLEA XERAL ORDINARIA

Pola presente comunicamos a convocatoria da Asemblea Xeral Ordinaria, co seguinte orde do día:

1. Lectura e aprobación, se procede, da acta anterior.
2. Lectura e aprobación, se procede, do Estado de Contas 2018.
3. Resumo de actividades 2018, proxecto 2019.
4. Rogos e preguntas.

ATENCIÓN: O lugar da reunión será no Edificio das Federacións Deportivas de Vigo, rúa Fotógrafo Luís Ksado 17 (zona Miñoca – Coia), 36209 de Vigo.

O día será o sábado16 de febreiro de 2019, en única convocatoria, ás 20:00 horas.