A proba de Andaguláns25km abriu as súas inscricións o luns día 3 de febreiro de 2020, polo que os que esteades interesados podedes anotarvos a esta proba. Aqueles que o fagan no inicio entrarán nun sorteo de 5 prazas de balde.
Os compañeiros de Guláns sempre nos sorprenden con interesantes rutas e no final cuns callos quentes para recuperar as forzas. Anotádevos!
Apertura de inscricións para Marín25kmO día 22 de xaneiro abríronse as inscricións, a través da súa pasarela electrónica, para a proba de Marín25km.
Celebrarase o 8 de marzo de 2020.
Abertas as inscricións para a proba de 25 km e a proba curta en Noia, a celebrar o día 16 de febreiro de 2020.
Os organizadores, o club Trabandainas, contan coa colaboración do Concello de Noia.
Dende o club nos informan de que a ruta será algo máis longa e chegará a uns 26,7 km aproximadamente, cunha dificultade media. O peche de inscricións será o mércores 12 de febreiro, ás 23:59 horas. Coma o ano pasado, o punto de saída será a Alameda de Noia, fronte ao Concello. Lembrade que hai que acreditarse con tempo e que os federados deben presentar o seu DNI e a súa Licenza.
A proba rematará no Polideportivo do Instituto San Alberto.
Prezos:
Noia 25 km – Federados: 10 €
Noia 25 km – Non Federados: 13 €
Noia 15 km – Federados: 6 €
Noia 15 km – Non Federados: 9 €
Podedes inscribirvos aquí – Web inscrición Noia25km
O noso socio Manuel Martínez recoméndanos esta actividade solidaria.
» Una ascensión a Peña Trevinca recaudará fondos para el Himalaya – https://www.laopiniondezamora.es/comarcas/2020/01/14/ascension-pena-trevinca-recaudara-fondos/1216099.html «
Esquí de Travesía e Raquetas 2020 – 01/02/2020
A Federación Galega de Montañismo coa organización do Club Montañeros Celtas, organiza esta próxima fin de semana a actividade anual de travesía con esquís e marcha de raquetas.
Coma o ano pasado a actividade terá coma centro de reunión o albergue do Camping Laciana Natura, onde hai reservadas 30 prazas. É importante que os interesados (só poden participar federados) fagan a inscrición canto antes, debido a proximidade da data de realización. Podedes ver prezos, datas, horarios, etc., no ficheiro adxunto remitido pola organización.
Lembrade que Xistra ten raquetas e crampóns para poder emprestar, pero que o seu número é limitado, polo que serán asignados por estrita orde de inscrición.
Folla de inscrición aquí.
SÓ PARA SOCIOS QUE RENOVAN COTA E LICENZA CON XISTRA DO ANO PRECEDENTE:
Pasarela automatizada de renovación anual de socios:
Comprobe os seus datos, elixa a licenza que lle interese e os suplementos que precise e faga o pagamento medianta tarxeta de crédito/débito dende este enlace:
O día 1/01/2020 abriremos a nosa pasarela web para poder tramitar as licenzas de 2020.
A proba de Tui25km supuxo un cambio na tendencia de anos anteriores.
Recuperamos participación a pesares dun tempo moi desapacible, sendo un éxito de inscricións en relación a anos precedentes.
Superando os cen participantes e corrixindo o percorrido por cuestións alleas á organización, os voluntarios de Xistra conseguiron que todo fose perfectamente. A entrega de trofeos supuxo outro fito, xa que había máis de 75 persoas no acto de entrega de trofeos da propia proba e do Open.
Finalizouse a actividade cun sorteo con abondosos agasallos e cun premio principal dun GPS Garmin.
Para a información de resultados podedes acceder a 25km.es
O Clube de Montaña Xistra ven de recibir comunicación da Xunta de Galicia da asignación dunha axuda de 952.62€ para a adquisición de material deportivo por importe total de 1.190.77€.
O material adquirido consiste en cordas, poleas, mosquetóns, aseguradores e caixa de primeiros auxilios co fin da súa utilización en barrancos e montaña.
O Clube de Montaña Xistra realizou unha doazón de 800€ para alimentos e produtos de hixiene básica para as persoas desfavorecidas no Concello de Ponteareas. Estes cartos proveñen das inscricións na proba #Ponteareas25km deste ano.
Xa no pasado ano fíxose unha doazón para a mesma causa de 600€.
Isto é posible grazas as vosas inscricións e á participación activa do Concello de Ponteareas que facilita moito a realización da proba.
Grazas a todas e todos.
Síguenos en Telegram 
O Clube de Montaña Xistra recibiu a concesión de subvencións do Concello de Vigo para o desenvolvemento da súa actividade nas tempadas 2013, 2014, 2015, 2016, 2017, 2018, 2019, 2020, 2021, 2022, 2023, 2024 e 2025.
O Clube de Montaña Xistra recibiu as concesións de subvencións da Xunta de Galicia para o desenvolvemento de actividades deportivas correspondentes ós anos 2012, 2013, 2014, 2015, 2016, 2017, 2018, 2019, 2020, 2021, 2022, 2023, e 2024 (recibido en 2025).
