Do 12 ao 17 de xullo celebrarase o Campamento de Actividades de Montaña, dirixido a rapaces entre 8 e 16 anos, na leonesa zona de Cubillas de Arbas.
Realizaranse actividades de escalada, descenso de barrancos, orientación e montañismo. A estancia farase nun albergue en réxime de pensión completa.
A inscrición hai que facela antes do 6 de xullo e, por 50€, inclúe o desprazamento, aloxamento, manutención (tres comidas ao día) e o profesorado.
Máis info: CampamentoActiv_2015
Entrega de trofeos en Tui25km. Sonia Gradin, Andrea Velevona, Jonathan Fernandez, Henrique Freixeiro, Jose M. Vazquez e Cesar Romay.
Publicamos a clasificación definitiva do II Open de Andainas de 25km que vimos de rematar coa última proba en Tui. Un día moi caloroso pero un percorrido moi interesante.
Finalmente fixemos a entrega dos premios e trofeos, así coma un sorteo de cheques para inscricións en actividades e unha tablet.
Tódolos participantes foron invitados a café e bebidas refrescantes antes e despois da marcha. Podedes ver as clasificacións aquí.
Ascensión ó Fontefría (Xurés)
A Federación xunto co Club Montañeiros Celtas invítannos a participar na marcha con vivac que terá lugar no Macizo Central galego. Percorreremos dende San Miguel de Bidueira os montes de Manzaneda e o Seixo, durmindo en medio da serra. O domingo descenderemos ata Celeiros (Chandrexa de Queixa) para comer na de Xerardo.
Unha actividade montañeira que non debedes perder. Apuntádevos no club canto antes.
XXVIII MARCHA VIVAC
(CLUB MONTAÑEIROS CELTAS + F.G.M)
13 E 14 DE XUÑO
Itinerario: San Miguel de Vidueira – Manzaneda – Celeiros – Chandrexa de Queixa.
Hora saída o 13 de xuño as 08:30 horas dende Praza de Espeña e chegada o 14 de xuño as 20:00 horas.
Imprescindible ter a licencia de montaña do 2015 Prezo comida: 5€
Data límite de inscripción o mércores 10 de xuño.
Marcha Infantil 2010
Xistra organiza o Campamento e Marcha Infantil – Xuvenil da FGM os días 20 e 21 de xuño. Será na serra do Xurés, en Albite. Os nenos poderán poñer as súas tendas xunto ó refuxio, ou durmir no mesmo. Os interesados deberedes inscribirvos en Xistra ou na FGM.
Lamentamos comunicarvos que esta actividade foi aprazada sine die por la escasa inscrición de clubs e o reducido número de rapaces anotados. Dende Xistra, por unha parte queremos pedir desculpas, en nome da Federación e do noso club, ás persoas que estaban inscritas por esta molestia totalmente allea a elas; e por outra banda desexamos destacar que, a pesares desta penosa situación, non perdemos ilusión en poder realizar unha actividade interesante e divertida cos rapaces nalgunha fin de semana de setembro ou outubro.
O periodico Val Miñor (valminor.net) faise eco da nosa marcha Tui25km
http://www.valminor.net/2015/05/29/andaina-tui25km-montanismo/
Tui25km
Aínda podedes inscribirvos na última marcha de 25km de 2015. Será o día 7/06/2015 no monte Aloia e, por suposto, vaivos gustar. Parte do trazado cambia respecto do ano pasado pero visita os lugares máis interesantes desta preciosa contorna.
Podedes ver máis datos na nosa web http://xistra.org/copaandainas25/ ou no facebook https://www.facebook.com/events/1587340841553540/
Por certo, este ano tamén teremos sorteos de cheques e dunha tablet.
![sony-tablets1-hands2-lg[1]](http://xistra.org/wp-content/uploads/sony-tablets1-hands2-lg1-150x150.jpg)
(Imaxe non contractual)
Subindo a Faro Budiño – 50km Salceda.
Hoxe 23 de maio, estamos de andaina… só 50km!!
Unha proba organizada polo noso socio e amigo Manolo «o andarín». Seguro, que será todo un éxito e que, coma sempre, todos quedaremos encantados coa proba.
Comeremos e gozaremos moito máis que noutras andainas, por moi antigas ou de máis renome. Coma a de Salceda… non hai!!
Nota: (redactada o 25/05/2015): Éxito de participación de socios de Xistra. Un día de moita calor pero con magníficas vistas e unha excelente organización. Un 10 para Manolo!!
Xa tendes dispoñibles as clasificiacións da proba de Pontedeva25km e da xeral provisional.
17 de maio (domingo)
Datos da proba
Ficheiro co percorrido para Google Earth
Mapa do percorrido
RESULTADOS DA MARCHA 2015 PONTEDEVA25KM ORDEADOS POR DORSAL
CLASIFICACIÓN DA MARCHA 2015 PONTEDEVA25KM POR PUNTUACIÓN
CLASIFICACIÓN PROVISIONAL II OPEN ANDAINAS 25KM (3 PROBAS)
O domingo 24 (o día das eleccións municipais), os máis pequenos tendes unha invitación a participar nunha nova Peque Ruta.
Será polo monte Aloia, pero sen subir ata o cumio. Faremos un percorrido polo castro do Alto dos Cubos e tamén polos muíños de Tripes. Un percorrido cómodo e interesante. Apuntádevos antes do venres 22!
(Aprazada por falta de inscritos).
Xistra ven de superar o número de licenzas de anos precedentes.
Neste intre no club temos máis de 150 socios activos. A Xunta Directiva de Xistra agarda que tamén a participación en actividades federativas vaia en aumento, potenciando o peso do club dentro da Federación e organizando máis actividades para socios e para deportistas federados. Parabéns a todos.
Síguenos en Telegram 
O Clube de Montaña Xistra recibiu a concesión de subvencións do Concello de Vigo para o desenvolvemento da súa actividade nas tempadas 2013, 2014, 2015, 2016, 2017, 2018, 2019, 2020, 2021, 2022, 2023, 2024 e 2025.
O Clube de Montaña Xistra recibiu as concesións de subvencións da Xunta de Galicia para o desenvolvemento de actividades deportivas correspondentes ós anos 2012, 2013, 2014, 2015, 2016, 2017, 2018, 2019, 2020, 2021, 2022, 2023, e 2024 (recibido en 2025).
