Curso barrancos 2013
Pensando en dar os primeiros pasos para poder baixar barrancos, imos comezar a dar unhas prácticas de iniciación relacionadas cos descensos de barrancos.
Imos comezar a explicar e practicar o rápel (primeiro en seco e logo con auga).
O mércores 2/07/2014 faremos prácticas no Budiño. Os interesados debedes contactar co club. Se non tendes material (arnés, casco, etc.) por favor indicádeo cando vos inscribades.
Esta fin de semana do 21-22 de xuño celebráronse 2 actividades federativas onde participamos os socios de Xistra: Encontro Nacional de Sendeirismo en Navia e Carreira por Montaña Chandrexa Trail.
Parbéns para Pablo, Estivel, Antonio Sobrado e Begoña polos resultados persoais tan interesantes acadados na carreira máis dura do Campionato Galego.
Curso barrancos 2013
Pensando nos socios de Xistra interesados en tomar contacto co mundo do barranquismo, imos facer unhas prácticas básicas de rapel, nós e contacto cun pequeno descenso en río. A idea é, primeiro aprender a facer rapel en pedra seca (pode ser en Faro Budiño), aprender os movementos básicos e a facer nós e encordamentos, e logo outro día facer algunha baixada moi sinxela e controlada nalgún río.
Faremos prácticas algús días durante as tardes (de luns a venres) e algunha fin de semana. Ollo, queda pouco tempo para o descenso oficial FGM e os que queiran asistir terán que ter experiencia previa ou pasar polas prácticas.
Rogamos que os interesados se poñan inmediatamente en contacto con Xistra, co fin de programar os días correspondentes. Enviar un correo xa.
Por certo, tamén os que queiran algo máis completo, podedes apuntarvos no curso de barranquismo da FGM dos días 28 e 29 de xuño. Queda pouco prazo. O prezo podedes velo na web da FGM. Web da FGM. Datos do curso da FGM (pdf).
Debido ó éxito de inscricións, vémonos na obriga de pechar a actividade antes da data fixada. Fácemolo por criterios de organización e seguridade. 9/07/14-17:00h
Abrimos a inscrición para tódolos federados galegos interesados neste evento.
Rapel no río Cerves
Tiñamos previsto realizar o descenso de barrancos no río Cal (O Rosal – Pontevedra) pero, tal como indicamos noutra nova recente, o percorrido está impracticable pola perigosidade dos trocos e polas de piñeiros caídos na canle do río (consecuencia dos traballos forestais despois do importante incendio de 2013).
Agora imos facer o descenso no río Cerves (Melón – Ourense) onde xa fixemos a prospección para coñecer como estaba o percorrido. Mantéñese a data do domingo 13 de xullo de 2014. Será pola mañá (o horario está pendente de definir) e temos previsto rematar cun xantar (opcional) sobre as 15h.
É imprescindible saber rapelar e levar o material obrigatorio de descensos. Máis información en Xistra ou nos clubs federados de montañismo de Galicia.
Datos sobre o río Cerves en http://www.barranquismo.net/paginas/barrancos/barranco_del_cerves.htm
A continuación reproducimos parcialmente esta nova interesante que parte da Federación Galega de Montañismo.
Xa temos as data
s definitivas da actividade dirixida aos máis xóvenes. Farase durante os días 13 ao 17 de xullo. O autobús que levará aos xóvenes montañeiros galegos sairá o domingo 13 de xullo en dirección do albergue, e regresarán a casa o xoves 17 despois do almorzo. Temos previsto marchar cara as montañas de León na zona de Cubillas. Con eles estarán profesores da EGAM especializados en cadascunha actividade.
A estancia dos máis xóvenes será a pensión completa, aínda que a comida farase no monte, levarán dende o albergue unha bolsa de picnic. Durante os tres días de actividade, farán saídas prácticas de escalada e montañismo. Os rapaces só teñen que levar a súa roupa de montaña, neceser e toalla.
Esta actividade está fortemente subvencionada pola FGM cos obxetivos de fomenar a convivencia entre os xóven@s dos diferentes lugares de Galicia, aprender técnicas de progresión nos diferentes terreos de montaña, contactar coas novas ferramentas de orientación e descubrir outras montañas próximas a nosa terra.
Na vindeira semana publicaremos na páxina web o programa detallado da actividade, co custe final da mesma que non revasará os 175 € por nen@.
No custe final da matrícula inclúese o transporte ida e volta, aloxamento e manutención en réximen de pensión completa todos os días, os profesores e o material de uso colectivo como cordas, mosquetóns, aparellos de rapel e outros.
Esta ano chega a XXVII Travesía Costa Naviega, un clásico que, os que xa imos tendo unha certa idade na montaña, sempre recordaremos polas boas xornadas de gozo que nos deron a moitos montañeiros galegos. Tamén lémbranos o «calvario» que tiñamos que pasar para chegar aló, hoxe superado pola mellora nas estradas.
Pero este ano goza tamén dun aliciente máis: fan coincidente a XIII edición do Día Nacional do Sendeirismo, polo que é unha actividade FEDME. Dende a FGM informáronnos de que esta actividade asígna 2 puntos de baremo ós participantes, polo que vai resultar moi interesante asistir (pola actividade en si – que si que o vale – e polos puntos deportivos para o club e os deportistas).
Podedes ver máis datos e inscricións en www.penafurada.es
Revisando o río da Cal en xuño de 2014
O río da Cal no Rosal atópase neste momento de xuño impracticable para o descenso de barrancos. Salvo algún tramo do seu curto percorrido, na zona central hai moitos restos das cortas de piñeiros (consecuencia do incendio do pasado verán). Polo tanto é moi incómodo avanzar polo leito do río e é altamente perigoso. Actualmente non recomendamos a actividade nese río.
Dende Xistra atopamos cada vez máis temas de preocupación no acceso libre ás montañas (e ós barrancos). Lamentablemente parece que os poucos lugares de liberdade que quedaban cada vez son menos libres. En España e en Galicia en moitos parques e serras atopamos con absurdos de permisos e restricións que finalmente tampouco non melloran a contorna. Pero os lexisladores (moitos deles con intereses particulares e variados sobre a actividade cinexética) permiten a caza ou batidas en lugares que logo prohiben para o paseo normal.
Fora de Europa, tamén algún dos nosos socios de Xistra teñen desbotado expedicións ós Andes arxentinos polas taxas abusivas para a ascensión ó Aconcagua e picos veciños. Agora isto esténdese a Perú, … Agardemos non ter que “colgar as botas”. Sorte e forza!
Ver nova sobre Perú
«La oficina del Parque Nacional Huascarán (PNH) impone esta temporada la obligación de contratar una agencia de turismo y un guía oficial para la práctica del andinismo»
No rocódromo municipal das Travesas (Pista Vermella do Pavillón) o domingo día 15 de xuño a partir das 09:00 horas e remate ás 13:30 horas.
SEN COMPETICIÓN DE 3 ANOS ATA OS 11 ANOS
Masculina:
XUVENIL B: Deportistas entre os 12 e15 anos cumpridos entre 1 de Xaneiro e o 31 de Decembro do ano no que se celebre a competición.
XUVENIL A: Deportistas que cumpran 16 e/ou 17 anos entre o 1 de Xaneiro e o 31 de Decembro do ano no que se celebre a competición.
JUNIOR: Deportistas que cumpran 18 e/ou 19 anos entre o 1 de Xaneiro e o 31 de Decembro do ano no que se celebre a competición.
Feminina:
XUVENIL B: Deportistas entre os 12 e 15 anos cumpridos entre o 1 de Xaneiro e o 31 de Decembro do ano no que se celebre a competición.
XUVENIL A: Deportistas que cumpran 16 e/ou 17 anos entre o 1 de Xaneiro e o 31 de Decembro do ano no que se celebre a competición.
JUNIOR: Deportistas que cumpran 18 e/ou 19 anos entre o 1 de Xaneiro e o 31 de Decembro do ano no que se celebre a competición.
Máis info: http://www.celtas.net/glg/actividades_ficha.php?id=519&categoria=4
Síguenos en Telegram 
O Clube de Montaña Xistra recibiu a concesión de subvencións do Concello de Vigo para o desenvolvemento da súa actividade nas tempadas 2013, 2014, 2015, 2016, 2017, 2018, 2019, 2020, 2021, 2022, 2023 e 2024.
O Clube de Montaña Xistra recibiu as concesións de subvencións da Xunta de Galicia para o desenvolvemento de actividades deportivas correspondentes ós anos 2012, 2013, 2014, 2015, 2016, 2017, 2018, 2019, 2020, 2021, 2022, 2023 (recibido en 2024) e unha axuda especial de reactivación Covid en 2021.
Tamén unha axuda para adquisición de material deportivo en 2022 e en 2019.
