Clube de Montaña Xistra

Devesa de Rogueira – Courel – PM ©

A fin de semana do 14 e 15 de xuño están programadas as seguintes actividades:

14/06 – Marcha de 50km de Ferrol
14-15/06 – Marcha con vivac no Courel
15/06 – 1º Proba da Copa Galega de Escalada Base (Domingo pola mañá) (infantil/xuvenil)

Difícil estar en todas! Pero lembrade que todas contan para acadar puntos no baremo de Mellor club de Galicia. Así que cada un pode asistir á que mellor lle preste.

Lembrade que para a Marcha con Vivac xa temos aberta a inscrición no club.
Datos importantes:
Saída do bus de Pza. de España en Vigo 7.00h am – 15€ (con paradas en Ourense e Monforte).
Xantar de confraternidade na Seara o domingo (opcional) por 8€

Na web da FGM vimos de ver a seguinte entrada:

«»Dada a previsión meteorolóxica desda fin de semana, a segunda proba da Copa Galega de Escalada en Bloque e Campionato Galego da mesma modalidade.

Informarase da nova data da proba nestes días vindeiros.»»

http://fgmontanismo.es/novas-sobre-a-copa-galega-de-escalada-en-bloque/

Agardamos máis datos para comunicarllos ós socios de Xistra.

Por fin temos aberta a inscrición para a Andaina de Boqueixón (Ruta do Colesterol) 2014.

Atentos ás datas se queredes aforrar na inscrición.

http://www.rutadocolesterol.com/

Chegada a O Coto – Salceda de Caselas 2014

Como ven sendo habitual moitos socios de Xistra participaron na Andaina de Salceda de Caselas de 50km que organiza o noso amigo e socio «Manolo Andarín». Con un tempo estupendo para andar e coa tensión dos que querían chegar canto antes para ver «O Partido» a marcha colleu ritmos acelerados por momentos.

Coma sempre: Gran actividade e moi grande organización!! Parabéns dende Xistra.

Ascensión ó Fontefría – 2013

Seguindo co calendario de Actividades da FGM este ano o Club Peña Trevinca Montañeiros de Galicia está a organizar a  XXVII Marcha Con Vivac. A mesma transcorrerá pola serra de o Courel os días 14 e 15 de xuño.

O percorrido levaranos dende Baldomir, seguindo o curso do Lor, ata Seoane. Logo subiremos a Devesa de A Rogueira e o Formigueiros, montando o vivac xa pasado o porto de Visuña.

Na xornada do domingo subiremos ao Faro, baixando logo a Horreos e Ferramulín.
Rematada a actividade nos desprazaremos ao refuxio de A Seara onde teremos un xantar de confraternidade polo prezo de 8€.
Un autobús sairá dende a praza de España de Vigo ás 7,00h do sábado podendo facer paradas en Ourense e Monforte para recoller aos compañeiros que o precisen.
O prazo para apuntarvos en Xistra comeza xa e remata o mércores 11/06/2014.