Clube de Montaña Xistra

Algúns dos socios de Xistra antes da saída.

Esta fin de semana pasada tivo lugar a Andaina de Salceda. O noso socio e amigo Manolo (Andarín) traballou arreo para que todo saíse, como xa ven sendo habitual, moi ben.
Unha asistencia importante, boa presenza de socios de Xistra, e un tempo excepcional foron as nosas mellores impresións.

Subindo a Faro Budiño – 50km Salceda.

Lamentablemente media decena de socios de Xistra inscritos, finalmente non puideron asistir por motivos persoais xurdidos no último momento. Aínda así, a nosa presenza e participación viuse moi ben representada con máis de 15 marchadores e case todos puideron rematar sen problemas os 50km.

Como ven sendo habitual Sonia de Galifisio acudiu ó final da marcha para atender ós nosos «andaríns».

Xunto ó río Miño – Salceda 50km

Podes ver fotos en picasa, facebook e http://bretema.uvigo.es/adaforna/ANDAINA/2013/FOTOS/FOTOS.htm !!

Xa temos xente apuntada para a marcha con vivac que celebraremos na Serra do Xurés.
Vimos de remitir a tódolos clubs unha circular cos últimos datos da actividade, incluído un mapa do percorrido. Rogamos a tódolos socios de Xistra interesados que efectuedes a vosa inscrición canto antes.

Podedes ver máis datos no documento adxunto. 20130528 circular II clubs

Pablo chegando á meta.

Este domingo 19/05/2013 celebrouse a carreira de Maceda na Serra de San Mamede. Participaron 4 socios de Xistra, e por primeira vez participou unha socia.

Os resultados non foron nada malos, situandonos entre os mellores postos dos 116 participantes. Antonio acadou medalla de prata na subcategoría de masculinos veteranos.

Marta finalizou esta primeira proba que foi caracterizada pola dificultade da serra, chea de neve do día precedente. Como premio espacial obterá unha axuda idéntica ás socias que queiran participar na proba de Chandrexa.

Estivel, Antonio e Pablo sempre correron nos postos avanzados de proba, que foi gañada por Arca, un dos corredores máis potentes da Competición galega.

Corredores de Xistra. De esquerda a dereita:  Pablo, Antonio, Marta e Estivel.

Podes ver fotos en picasa, facebook e na web da FGM

Sabedes que o ano pasado comezamos a promoción para as Andainas de 50km. Agora queremos ver ós nosos socios como comezan a participar nas Carreiras por Montaña.

Isto foi o que fixo que xa teñamos a nova indumentaria Xistra Xtremo, e que os nosos socios participaran na Carreira de Viveiro e tamén imos participar na de Maceda. Pero queremos máis.

Interésanos moito que as socias participen nas carreiras e sabemos que algunhas de vós corredes habitualmente. Por iso pensamos que a de Chandrexa pode ser a carreira para dar o salto das «chicas». Así, as que queiran probar nesta carreira deben saber que terán unha camiseta de Xistra Xtremo e un premio adicional de 10€ por rematar. Non fai falta conseguir podio, só rematar e representar a Xistra. As interesadas tendes que avisar canto antes.

VI Andaina Concello Salceda de Caselas
Copa Galicia de 50 km (2013)

O noso socio Manolo, organizador da marcha de Salceda, pídenos colaboración para difundir a súa actividade. Sabemos que é moi dificultoso organizar estas cousas, polo que ten todo o noso apoio e solicitámosvos a todos que vos apuntedes, participedes e comentedes cos vosos coñecidos o interesante desta actividade.

Podedes ver información na súa web http://bretema.uvigo.es/andaina.htm

Podedes ver o percorrido virtual nun vídeo clicando aquí

XXVI Marcha Galega de Vivac FGM
Xa temos aberta a inscrición á Marcha Galega de Vivac. Será na Serra do Xurés, e en próximas datas daremos información sobre horarios, percorridos e sobre a opción do xantar na finalización da marcha.

Esta actividade xeralmente é esixente. Tendes que levar todo o necesario para pasar a noite e non está prevista a asistencia no punto da durmida. É probable atoparnos con escaseza de auga para beber.

Lembrade que ademais de facer a inscrición no seguinte enlace, tendes que encher a ficha de actividades da Federación e entregala xunto cunha copia da vosa licenza.

Folla INSCRICIÓN XISTRA (Necesaria)

Folla INSCRICIÓN FGM (Obrigatoria)

III CxM San Mamede 2013
2ª Proba da Copa Galega de Carreiras por Montaña

Data: domingo, 19 de maio de 2013.
Lugar: Maceda (Ourense)
Organizador: Club Vía XVIII

Os corredores de Xistra interesados en participar nesta proba oficial da FGM e que non dispoñan aínda da camiseta de Xistra eXtremo, so tendes que solicitala canto antes.

ADVERTENCIA:
Tódalas persoas federadas na Federación Galega de Montaña que vaian a tomar saída nas modalidades ANDAINA ou CARREIRA DE MONTAÑA o vindeiro domingo 19 de Maio en Castro de Escuadro, no momento de recoller o dorsal deberán entregar a súa licencia federativa que lle será devolta unha vez finalicen a proba na que se inscribiron.
Máis info: http://via18.com/

O Clube de Montaña Xistra prepara a XXVI Marcha de Vivac da FGM, con vistas a celebrarse na Serra do Xurés os días 15 e 16 de Xuño.

Proximamente abriremos a inscrición e daremos máis información sobre esta actividade.
20130502 circular clubs